09.09.2012:

68 Joer sinn et hier zënter Péiteng vun den amerikaneschen Truppe befreit gouf. Zënterhier gedenken d’Awunner all Joer um 9. September deenen Zaldoten, déi hiert Liewe ginn hu fir d’Fräiheet vun eis all. De Cortège, an deem d’Membere vum Schäffen- a Gemengerot, ganz vill Bierger, Delegatiounen aus Schio, Maribor an Heiligenwald-Schiffweiler an och eng ganz Rei Veräinsvertrieder matgoungen, huet eng éischt Statioun um Square Hyman Josefson gemaach ier et duerno weidergoung bis bei d’Borne du Passeur hanner der Kierch zu Péiteng. Zwou Plazen, wou et housch, Merci ze soen an drun ze denken, datt d’Fräiheet, déi mer haut alleguer genéissen, nach laang keng Selbstverständlechkeet ass.