Konferenz zum Thema « Fraewalrecht »

1919, viru méi wéi 100 Joer, gouf zu Lëtzebuerg d’Fraewalrecht agefouert. Dës fundamental Neierung ass an engem méi breede Kader geschitt, nämlech dee vun der Verfassungsreform vun 1919. Si huet festgehalen, datt all erwuesse Lëtzebuergerinnen a Lëtzebuerger dierfte wiele goen. D’Aféierung vum Fraewalrecht war eng aschneidend Ännerung, déi sech an d’Demokratiséierungstendenzen an Europa nom 1. Weltkrich ageschriwwen huet.

Wéi koum et dozou, a wat waren d’Konsequenzen? Dorëms geet et bei der Konferenz vun der Historikerin Renée Wagener. Si stellt och e puer Frae vir, déi sech fir d’Fraewalrecht agesat hunn, wéi zum Beispill Maisy Mongenast-Servais.